Tudalen Gartref CyswlltRhaglen Y Clwb Ffurflen Ymaelodi Lincs

Y Clwb

Ydych chi'n mynydda?

Ydych chi'n dringo?

Ydych chi'n crwydro?

Ydych chi'n aelod o GLWB MYNYDDA CYMRU?

CLWB MYNYDDA CYMRU . . . Yn hyrwyddo datblygiad mynydda yng Nghymru trwy gyfrwng yr iaith Gymraeg

Mwynhau'r mynyddoedd . . . Cerdded ydi'r gweithgarwch awyr agored mwyaf poblogaidd yng Ngwledydd Prydain, ac mae'n dod yn fwy-fwy poblogaidd yma yng Nghymru. Mae mynydda a dringo hefyd yn ennill tir, a chynnydd sylweddol wedi bod ymhlith y Cymry Cymraeg yn ystod y blynyddoedd diwethaf.

Mae Clwb Mynydda Cymru wedi bod yn rhannol gyfrifol am y cynnydd hwnnw, wrth i amryw droi i'r mynyddoedd am adloniant a phleser. Yn ddiddadl mae crwydro mynyddoedd yng nghwmni cyfeillion sy'n rhannu'r un diddordeb â chwi yn ffordd ddiguro o ddod i adnabod Cymru'n well. Fel aelod o Glwb Mynydda Cymru mae cyfle i wneud hynny'n gyson.

Trefnir teithiau mynydda a chyfarfodydd dringo neu sgramblo'n gyson, yn Eryri ac mewn ardaloedd mynyddig eraill yma yng Nghymru, heb son am ymweliadau hwy i Loegr, Yr Alban, cyfandir Ewrop a thu hwnt.

Er mai Clwb ar gyfer Cymry Cymraeg ydi Clwb Mynydda Cymru, mae croeso cynnes hefyd i unrhyw un sy'n dysgu Cymraeg. Mae teithiau'r Clwb yn gyfle delfrydol i ymarfer eich Cymraeg!

Mae manteision eraill o ymuno â'r Clwb . . .

* Bod yn aelod o rwydwaith o Gymry Cymraeg sy'n mynydda - cyfle i ddod o hyd i gwmni i gerdded neu bartner dringo.

* Disgownt mewn amryw o siopau mynydda.

* Cyfle i ddysgu sgiliau mynydda gyda aelodau mwy profiadol y Clwb.

* Cefnogaeth ariannol i ddilyn cyrsiau hyfforddi.

* Offer ar gael i'w logi

* Ymgyrchu dros ddiogelu'n ardaloedd mynyddig, a chadw'i harddwch.

* Cylchlythyr am weithgareddau'r Clwb.

* Cyfarfodydd cymdeithasol.

* Safle we gyda gwybodaeth am y Clwb.

* Tâl aelodaeth yn cynnwys aelodaeth o'r BMC.

Rhannwch y profiad . . .

CLWB MYNYDDA CYMRU . . .

Ymunwch â ni! Am fwy o fanylion gyrrwch e-bost i: ymholiadau@clwbmynyddacymru.com

Mae Clwb Mynydda Cymru yn cydnabod y gall dringo a mynydda arwain at anaf personol neu farwolaeth. Dylai pawb sy'n cymryd rhan yn y gweithgareddau hyn fod yn ymwybodol o'r peryglon hyn a'u derbyn, a bod yn gyfrifol am eu gweithgareddau eu hunain.

Tudalen Gartref Cyswllt Rhaglen Y Clwb Ffurflen Ymaelodi Lincs